‏ Song of Solomon 1

Севги шараптан яхшы

1 ^aСулейманнынъ энъ яхшы йыры.

Къыз:

– Опь мени, дудакъларынънен опь мени,
чюнки севгинъ шараптан яхшы!
2 ^bНе де аджайип къокъуй мискълеринъ!
Сенинъ адынъ – мискъ къокъусы киби!
Къызлар бунынъ ичюн сени севелер.
3 ^cМени янынъа ал, кель ашыкъайыкъ!
Эфендим мени озь одасына кирсетти!

Къызлар:

– Сеннен тааджипленип къуванайыкъ,
севгинъни шараптан зияде юксельтейик.

Къыз:

– Севги ичюн не къадар ляйыкъсынъ!

4 ^dЭй, Ерусалимнинъ къызлары!
Теним къара, лякин мен гузелим.
Кедар огъулларынынъ чадырлары киби къарам,
Сулейманнынъ перделери киби гузелим!
5Эсмери олгъаныма бакъманъыз –
кунеш мени къарартты.
Агъаларым манъа ачувландылар,
юзюм багъларыны къаравулламагъа мени къойдылар,
амма озь юзюм багъымны сакълап оламадым.
6 ^eЭй, джанымнынъ севгиси, айт манъа,
къой-эчкилеринъни къайда отлатасынъ,
уйледе къаерде раатланасынъ?
Не себептен аркъадашларынънынъ айванлары янында кезинип,
сени къыдырайым?

Къызлар:

7 ^f– Эй, гузеллернинъ гузели, бильмесенъ,
къойларнынъ изинден кет,
чобанларнынъ чадырлары янында
улакъларынъны отлат.

Огълан:

8 ^g– Эй, ярем!
Фыравуннынъ дженк арабасына екильген аткъа ошатам сени!
9Янакъларынъ ильваннен,
бойнунъ герданлыкъларнен не гузель!
10 ^hСанъа кумюш пулларнен алтын ильван япаджакъмыз.

Къыз:

11 ⁱ– Падиша софра башына отургъанда,
къыйметли нард ягъларымнынъ гузель къокъусы джайылды.
12 ^jСевгилим – кокюслерим арасында яткъан
мюр ▼

▼Мюр – Аравияда оськен осюмликнинъ хош къокъугъан сакъызыдыр.

толу бир кисе кибидир!
13 ^lСевгилим – Эн-Геди ▼

▼Эн-Геди – Олю денъизининъ дженюбий-гъарбий тарафында ерлешкен, тазелик джайраткъан берекетли ешиль ваха.

юзюм багъларында
бир топ къына чечеги кибидир!

Огълан:

14 ⁿ– Ах, не гузельсинъ, ярем, не гузель!
Козьлеринъ тамам гогерджин козьлери кибидир!

Къыз:

15– Ах, не аджайипсинъ, севгилим, не татлысынъ!
Ятагъымыз – ешилликтир.

Огълан:

^o– Эвимизнинъ дамы – кедр тереклеридир,
таван агъачларымыз – кипарислердир.
16