‏ Song of Solomon 2

Къыз:

1 ^a– Мен Шарон тегизлигинде тек бир чечегим,
вадийлернинъ занбагъым.

Огълан:

2– Ярем къызларнынъ арасында –
тикенлик арасында бир занбакъ кибидир.

Къыз:

3 ^b– Севгилим яш йигитлернинъ арасында –
орман тереклерининъ арасында бир алма тереги кибидир.
Онынъ кольгесинде отурмагъа севем,
мейваларынынъ дамы агъзым ичюн татлыдыр.
4О, мени зевкъ-сефа эвине кирсетти,
мени севгисинен къаплады.

5 ^cКъуветлендиринъ мени юзюм къурусынен,
джанландырынъ алмаларнен,
чюнки севгиден кучюмни джоям.
6 ^dСол къолу – башымнынъ тюбюнде,
сагъ къолу мени къучакълай.
7 ^eЭй, Ерусалим къызлары!
Гъазеллер ве кийик сыгъынларнен емин этинъиз:
севгимизни раатсызламанъыз,
вакъты кельмегендже, онъа кедер этменъиз.

Севгилернинъ гузеллиги

8Мен севгилимнинъ сесини эшитем!
Мына о, дагъларнынъ устюнден секирип,
байырларнынъ устюнден сычрап келе!
9 ^fСевгилим гъазельге,
яш сыгъынгъа ошай.
Мына, о, диварымызнынъ артында тура,
пенджерелерден ве
пармакълыкътан бакъа.
10Севгилим манъа бойле деди:
«Тур, ярем, гузелим!
Чыкъ манъа!
11Мына, къыш кечти,
ягъмурлар битип кетти.
12 ^gТопракъта чечеклер ачты,
йырлар вакъты кельди,
еримизде гогерджинлер йырламагъа башлады.
13Инджир тереклери бурьленди,
юзюм пытакълары ешерип, хош къокъулар сача.
Тур, ярем, гузелим! Чыкъ манъа!»

Огълан:

14 ^h– Меним гогерджиним якъынлашылмаз ерде,
юксек къаялар араларындадыр!
Юзюнъни косьтер манъа,
сесинъни эшиттир!
Сесинъ не татлы,
юзюнъ не гузельдир!

15Бизлер ичюн тилькилерни,
юзюмликлерни бозгъан кучюк тилькилерни тутунъыз;
бизим юзюмликлеримиз чечек ачтылар.

Къыз:

16 ⁱ– Севгилим – менимдир,
мен де – онынъ!
Занбакълар арасында о, кейфлене ▼

▼Я да «Занбакълар арасында о, айванларыны бакъа».

.
^kТанъ атмаздан,
къаранлыкъ гъайып олмаздан эвель, къайт, севгилим!
Дагъларнынъ чатлакъларында бир гъазель киби,
яш сыгъын киби, тез ол.
17