‏ Song of Solomon 3

1 ^aГедже бою тёшегимде
севгилимни къыдырдым,
къыдырдым, амма тапалмадым.
2«Турайым да, шеэр бою доланып,
сокъакъларда ве мейданларда
севгилимни къыдырайым», – деп тюшюндим.
Мен оны къыдырдым, амма тапалмадым.
3 ^bШеэрни бойлап юрген къаравуллар манъа расткельди.
«Севгилимни корьмединъизми?» – деп сорадым.
4 ^cОлардан кетер-кетмез,
севгилимни таптым.
Туттым оны, йибермедим.
Оны анамнынъ эвине,
ич одасына кирсеттим.
5 ^dЭй, Ерусалим къызлары!
Гъазеллер ве кийик сыгъынларнен емин этинъиз:
севгимизни раатсызламанъыз,
вакъты кельмегендже, онъа кедер этменъиз.

Джаным, кель манъа!

Къызлар:

6 ^e– Бу ким экен чёльден чыкъаята?
Тютюн диреклери киби, котериле,
мюр ве темиз къокъулы мискънинъ,
алыш-веришчилернинъ тюрлю къокъулы шейлерининъ къокъусыны даркъата.
7Мына, Сулейманнынъ тахты!
Онынъ чевресинде – алтмыш аскер,
исраилли джесюр батырлар.
8 ^fЭр бир аскернинъ къолунда – къылыч,
олар дженк этмеге усталар.
Гедже телюкелер олса,
оларнынъ къылычлары азыр.
9Сулейман падиша тахтыны
Ливан тереклеринден япты.
10Диреклери – кумюштен,
темели – алтындан япылды.
Отургъан ери – мавылы къырмызы,
Ерусалим къызлары чадырнынъ ичини севгинен яраштырды.
Келинъиз, эй, Сион къызлары,
Сулейман падишагъа бакъынъыз!
Онынъ башында – гузель тадж!
Юреги ичюн къуванчлы кунюнде,
Сулейман эвленген кунюнде
онынъ анасы онъа бу таджны кийдирди!
11