Song of Solomon 8
1Ах, сен анамнынъ сютюни эмгенагъам олгъайдынъ!
Ойле олса, сени ёлда расткетирип, опер эдим,
кимсе де мени яманламаз эди.
2 aСени къолунъдан алып,
мени огреткен анамнынъ эвине кетирир эдим.
Аджайип шарапнен,
озь нарларымнынъ шырасынен сени ичирир эдим.
3 bСол къолу – башымнынъ тюбюнде,
сагъ къолу мени къучакълай.
4 cЭй, Ерусалим къызлары!
Емин этинъиз:
севгимизни раатсызламанъыз,
вакъыт кельмегендже, онъа кедер этменъиз.
Юрегининъ устюнде бир тамгъа
Къызлар:
5 d– Севгилисине таянып, чёльден ким чыкъаята?Къыз:
– Алма тюбюнде сени уяттым:ананъ сени анда тапты,
аначыгъынъ сени анда догъды.
6 eЮрегинънинъ устюне мени, бир тамгъа киби, къой,
къолунънынъ устюне, юзюкни киби, такъ.
Севги, олюм дайын, кучьлю,
куньджюлик, олюлернинъ дюньясы дайын, къуветлидир.
Онынъ окълары – атеш ялынларыдыр,
о – кучьлю атеш-алевдир!
7Буюк сувлар севгини сёндюрмез,
дерьялар оны батырмаз.
Эгер бирев бутюн байлыгъыны севги ичюн берсе биле,
оны джиренчнен инкяр этеджеклер.
Агъа-къардашлар:
8– Кичкене бир къызкъардашымыз бар,даа кокюслери чыкъмады.
Башы багъланаджакъ куню
къызкъардашымыз ичюн не япайыкъ?
9Эгер о, бир диваргъа ошаса,
устюне кумюштен къуллелер къурармыз,
эгер бир къапугъа ошаса,
кедр тахталарынен оны къаплармыз.
Къыз:
10– Мен бир дивар дайыным,лякин энди кокюслерим – юксек къуллелер кибидир!
Шунынъ ичюн мен онынъ козюнде эвине аманлыкъ кетиреджем.
11 fБаал-Хамонда Сулейманнынъ юзюмлиги бар эди,
бу юзюмликни о, къаравулларгъа берди,
эр бири юзюмликнинъ мейвалары ичюн бинъ кумюш одей эди.
12 gМеним юзюмлигим тек меним малымдыр.
Бинъ кумюш сенинъ олсун, эй, Сулейман,
эки юз кумюш исе – мейваларыны къаравуллагъанларгъа.
Огълан:
13– Эй, сен, багъчаларда яшагъан къадын!достларым сесинъни динълей,
манъа да эшиттир оны!
Къыз:
14 h– Ашыкъ, севгилим!Хош къокъулы дагъларнынъ устюнде
бир гъазель киби, яш сыгъын киби ол!
Copyright information for
CrhCTB