1 Chronicles 2:18-24
Хецроннынъ эвлятлары
18Хецрон огълу Къалевнинъ Азува ве Ериот апайлары бар эди. Къалевнинъ огъуллары: Ешер, Шовав ве Ардон. 19Азуванынъ олюминден сонъ, Къалев Эфраткъа эвленди. Эфрат онъа Хур адлы огъул догъды. 20 aХурнынъ Урий деген огълу бар эди. Урийнинъ исе Бецалел адлы огълу бар эди. 21 bСонъра, Хецрон 60 яшында экенде, о, Макирнинъ къызына эвленди. Макир Гиладнынъ бабасы эди. Хецрон Макирнинъ къызынен ятты, ве о, Сегувны догъды. 22 cЯир Сегувнынъ огълу эди. Гилад улькесинде онынъ 23 шеэри бар эди. 23 dЛякин гешурлылар ве арамлылар Яирнинъ шеэрлерини, Кенат шеэрини ве этрафындаки койлерни запт эттилер. Джеми оларакъ 60 шеэрчик бар эди. Бутюн бу шеэрлер Гилад огълу Макирнинъ огъулларынынъ шеэрлери эди. 24 eХецрон Къалев-Эфрата шеэринде ольди. Хецроннынъ олюминден сонъ онынъ апайы Авия Ашхурны догъды. Ашхур Текъоанынъ бабасы эди.
Copyright information for
CrhCTB