1 Chronicles 23:13-23
13 aАмрамнынъ огъуллары: Харун ве Муса. Харун ве онынъ огъуллары эбедиен улу азизликлерни багъышламакъ ичюн, РАББИнинъ огюнде къокъулы отларны якъмакъ, Онъа хызмет этмек ве Онынъ Адынен даима яхшылыкъ тилемек ичюн айырылгъан эдилер. 14 bАлланынъ адамы Муса ве онынъ огъуллары Левий къабилесинен эсапланды. 15 cМусанынъ огъуллары: Гершом ве Элиэзер. 16 dГершомнынъ огъуллары: биринджиси Шевуэл эди. 17 eЭлиэзернинъ огъуллары: биринджиси Рехавья. Элиэзернинъ башкъа огъуллары олмады, Рехавьянынъ исе огъуллары чокъ эди. 18Йицхарнынъ огъуллары: биринджиси Шеломит. 19 fХевроннынъ огъуллары: биринджиси Ерия, экинджиси Амарья, учюнджиси Яхазиэл ве дёртюнджиси Екъамеам эди. 20 gУззиэлнинъ огъуллары: биринджиси Микъа, экинджиси Йишшия. 21 hМерарийнинъ огъуллары: Махлий ве Муший. Махлийнинъ огъуллары Элазар ве Киш. 22 iЭлазар огъул корьмейип ольди, онынъ тек къызлары олды. Кишнинъ огъуллары оларгъа эвлендилер. 23 jМушийнинъ огъуллары: Махлий, Эдер ве Еремот – учь киши.
Copyright information for
CrhCTB