1 Chronicles 26:1-19
Сарайнынъ къапуджылары
1Къапуджыларнынъ болюклери булардыр: Къорахлылардан: Асаф союндан Къорэ огълу Мешелемья. 2 aМешелемьянынъ огъуллары: биринджиси Зекъарья, экинджиси Едиаэл, учюнджиси Зевадья, дёртюнджиси Ятниэл. 3Бешинджиси Элам, алтынджысы Ехоханан, единджиси Эльехоэнай. 4 bОвед-Эдом огъуллары: биринджиси Шемая, экинджиси Ехозавад, учюнджиси Ёах, дёртюнджиси Сакъар, бешинджиси Нетанэл, 5 cалтынджысы Аммиэл, единджиси Йиссакъар, секизинджиси Пеуллетай. Алла Овед-Эдомны багъышлагъан эди. 6Овед-Эдомнынъ огълу Шемаянынъ да огъуллары бар эди. Олар кучьлю адамлар олып, къоранта башлыкълары олдылар. 7Шемаянынъ огъуллары: Отний, Рефаэл, Овед ве Элзавад. Оларнынъ къардашлары Элиху ве Семакъяху да кучьлю адамлар эдилер. 8 dБулар эписи Овед-Эдомнынъ союндан эдилер. Олар, оларнынъ огъуллары ве къардашлары кучьлю ве беджерикли инсанлар эдилер. Овед-Эдомнынъ союндан 62 киши эди. 9Мешелемьянынъ огъул ве къардашлары да беджерикли адамлар эдилер. Джеми оларакъ 18 киши эди. 10Мерарий союндан Хосанынъ огъуллары: Шимрий, биринджи огълу олмаса да, башлыкъ эди, оны бабасы башлыкъ этип тайинледи. 11Экинджиси Хилкия, учюнджиси Тевалья, дёртюнджиси Зекъарья. Хосанынъ огъул ве къардашлары джеми оларакъ 13 киши эди. 12Буларнынъ эписи къапуджылар хызметинде булунгъан болюклернинъ башлыкълары эдилер. Олар РАББИнинъ Сарайында къардашлары киби хызмет эте эдилер. 13 eОлар къоранталарына коре, буюги де, кучюги де эр бир къапу ичюн джереп чектилер. 14Джерепке коре, Шелемья шаркъ къапуны къаравулламакъ керек эди. Онынъ огълу Зекъарья, акъыллы бир меслеатчы, джереп чекип, шималий къапуны къаравулламакъ керек эди. 15 fОвед-Эдомгъа дженюп къапусы чыкъты, огъулларына исе, джерепке коре, анбарлар чыкъты. 16Шуппим ве Хосагъа гъарп къапусы ве Шаллекет къапусы чыкъты. Шу ерде ёл юкъарыгъа котерилип кете, ве къаравулларнынъ бир болюги экинджи болюкнинъ янында тура эди. 17Шаркъ къапусында алты левийли тура эди, шималь къапусында эр кунь – дёрт, дженюп къапусында эр кунь – дёрт, анбарларда исе – экишер киши тура эди. 18Парбарнынъ ▼▼Парбар – насылдыр бинанынъ ады, бу бинаны Сулейман къургъан эди. 4 Пад 23.11 бакъ.
гъарп тарафында, ёлда дёрт киши, Парбарда исе эки киши къаравуллай эди. 19Къорах ве Мерарий къоранталарындан олгъан къапуджылар болюклери булар эди.
Copyright information for
CrhCTB