a 1 Пад 25.43; 2 Пад 13.1
b2 Пад 13.37; 15.10; 3 Пад 1.5-6
c 2 Пад 2.11; 5.4-5
d 2 Пад 11.3; 1 Тар 14.4-7
e2 Пад 13.1

‏ 1 Chronicles 3:1-9

Давут падишанынъ балалары

1 aХеврон шеэринде догъгъан Давутнынъ огъуллары шулардыр: биринджиси Амнон. Амноннынъ анасы йизреэлли Ахиноам эди. Экинджиси Даниял. Онынъ анасы къармелли Авигаил эди. 2 bУчюнджи огълу Авишалом. Анасы Талмай къызы Маакъа эди. Талмай Гешур падишасы эди. Дёртюнджи огълу Адонья. Онынъ анасы Хаггит эди. 3Бешинджи огълу Шефатья. Анасы Авитал. Алтынджы огълу Йитреам. Онынъ анасы Давутнынъ апайы Эгла эди.

4 cДавутнынъ бу алты огълу Хевронда догъды. Давут анда еди йыл ве алты ай девамында падишалыкъ этти. Ерусалимде исе о, 33 йыл девамында падишалыкъ япты.

5 dМына онынъ Ерусалимде догъгъан балалары: Шима, Шовав, Натан ве Сулейман. Шу дёрт баласы Аммиэл къызы Бат-Шевадан догъды. 6Башкъа докъуз баласы: Йивхар, Элишама, Элифелет, 7Ногах, Нефег, Яфия, 8Элишама, Эльяда ве Элифелет. 9 eБулар эписи Давутнынъ огъулларыдыр. Тамар оларнынъ къызкъардашы эди. Давутнынъ джариелеринден де башкъа балалары бар эди.
Copyright information for CrhCTB