1 Corinthians 15:35-52
Ер ве кок беденлери
35 aАмма бириси: «Олюлер насыл тириледжек экен? Насыл беденде пейда оладжакъ экенлер?» – дер. 36 bЭй, акъылсыз! Сенинъ сачкъан урлугъынъ ольмесе, тирильмейджек. 37Сен сачкъанда, оладжакъ осюмликни дегиль, тек богъдай я да башкъа бир урлукъны сачасынъ. 38Алла урлукъкъа Озю истеген беденни бере, эр бир урлукътан башкъа беден ярата. 39Эр бир беден бир дегиль, амма адамларнынъ бедени башкъа, айванларнынъ башкъа, къушларнынъ башкъа ве балыкъларнынъ да башкъа бедени бар. 40Коклердеки беденлер ве дюньядаки беденлер бар. Амма коклердеки беденлер дюльберлигининъ дюньядаки беденлер дюльберлигинден фаркъы бар. 41Кунешнинъ шурети башкъа, айнынъ шурети башкъа, йылдызларнынъ шурети де башкъадыр. Шуретине коре йылдыз йылдыздан фаркъ эте. 42 cОлюлернинъ тирилюви де бунъа ошай: чюрюк оладжакъ беден сачыла ве ольмейджек алда тириле. 43Урьметсизликте сачыла, шуретте тириле; зайыф олып сачыла, къудретли олып тириле. 44Эти ве къаны олгъан беден сачыла, рухий беден тириле. Эти ве къаны олгъан беден олса, рухий беден де бар. 45 dЯзылгъанына коре, биринджи адам Адем тири джан олды. Сонъки Адем ▼▼Демек, Иса Месих.
исе омюр берген рух олды. 46Биринджи олып, рухий дегиль, эти ве къаны олгъан беден келе. Рухий беден сонъ келе. 47 fБиринджи адам ерден, топракъ тозундан пейда олды. Экинджи адам исе коктен кельди. 48Топракътан яратылгъан биринджи адам насыл олса, башкъа адамлар да ойледир. Коклердеки адам насыл олса, коклердекилер де ойледир. 49 gШимди биз топракътан яратылгъан адамлармыз, келеджекте исе коклердеки адамлар олурмыз. 50Дин къардашлар, сизлерге шуны айтам: эти ве къаны олгъанлар Алланынъ Падишалыгъыны мирас этип аламаз. Оледжек беден ольмейджек мирасны аламаз. 51 hМына, мен сизлерге бир сыр айтайым: эпимиз ольмемиз, амма эпимиз денъиширмиз. 52 iБир аньде, козь ачып юмгъандже, сонъки боразан вакътында, боразан чалынгъанда, олюлер ольмейджек беденлерде тириледжеклер, биз исе денъишеджекмиз.
Copyright information for
CrhCTB