1 Kings 15:27-30
27 aЙиссакъар союндан олгъан Ахия огълу Бааша онъа къаршы фитне этти ве, Надав ве исраиллилернинъ эписи Гиббетон шеэрини алкъагъа алгъанда, Бааша оны фелестинлилернинъ Гиббетон шеэри янында ольдюрди. 28Аса Ехудагъа учюнджи йылы падишалыкъ эткенде, Бааша Надавны ольдюрди ве онынъ ерине падиша олды. 29 bПадиша олып, о, Еровоамнынъ эписи сойларыны ольдюрди, Еровоамнынъ ич бир сой-сопуны къалдырмады. РАББИ къулу шилолы Ахиянен айткъаны киби япты, бир кимсени сагъ къалдырмады. 30О, шуны Еровоам япкъан гуналары ве бутюн Исраильни гуналаргъа батыргъаны ичюн, Исраильнинъ Алласы олгъан РАББИни ачувландыргъаны ичюн япты.
Copyright information for
CrhCTB