2Ki 14:8-15 | CrhCTB | STEP | Сонъра Амацья, Исраиль падишасы олгъан Еху огълу Ехоахазнынъ огълу Ёашкъа эльчилер йиберип: – Чыкъ, юзьме-юзь корюшейик,

‏ 2 Kings 14:8-15

8 Сонъра Амацья, Исраиль падишасы олгъан Еху огълу Ехоахазнынъ огълу Ёашкъа эльчилер йиберип:

– Чыкъ, юзьме-юзь корюшейик, – деди.

9 ^aИсраиль падишасы Ёаш исе Ехуда падишасы Амацьягъа джевап йиберип:

– Ливанда оськен когем Ливанда оськен кедр терегине: «Къызынъны огълума апай оларакъ бер», – деген. Лякин Ливандаки кийик айванлар кельген де, шу когемни таптагъанлар. 10 Керчектен де, сен эдомлыларны енъдинъ, бундан юрегинъ къабарды. Гъалебенъе къуван, амма эвинъде отур. Не ичюн башынъа беля къыдырасынъ? Сен де йыкъылырсынъ, сеннен берабер Ехуда да йыкъылыр, – деди.

11 ^bЛякин Амацья оны динълемеди. Исраиль падишасы Ёаш чыкъып, Ехудадаки Бет-Шемеште Ехуда падишасы Амацьянен расткельди. 12 Исраиллилер ехудалыларны урып енъдилер, ве ехудалылар озь эвлерине къачыштылар. 13 ^cИсраиль падишасы Ёаш Ехуда падишасы Амацьяны (Амацья – Ахазьянынъ торуны, Ёашнынъ огълу эди) Бет-Шемеште якъалады. О, Ерусалимге уджюм этти ве анда Эфраим Къапусындан Коше Къапусына къадар Ерусалим диварынынъ 200 метрлик ^{▼▼200 метр – къ. еуд. «400 аммах».} бир къысмыны бозды. 14 ^eРАББИнинъ Сарайында ве падиша эвининъ хазинелеринде тапкъан алтын-кумюш ве бутюн алетлерни алды. Эсирлерни де алып, Самариеге къайтты.

15 ^fЁашнынъ башкъа япкъан ишлери, онынъ къараманлыгъы, онынъ Ехуда падишасы Амацьянен дженки акъкъында Исраиль падишаларынынъ тарихы китабында язылгъандыр.