2Ki 25:13-17 | CrhCTB | STEP | Къасдийлилер РАББИнинъ Сарайы янындаки бакъыр колонналарны, буюк аякъларны ве РАББИнинъ Сарайындаки «Денъиз» адландырылгъан бакъыр хавузны парлап, бакъырыны Вавилонгъа алып кеттилер.

a 3 Пад 7.15-37; 2 Тар 4.1-15; Йрм 27.19

‏ 2 Kings 25:13-17

13 ^aКъасдийлилер РАББИнинъ Сарайы янындаки бакъыр колонналарны, буюк аякъларны ве РАББИнинъ Сарайындаки «Денъиз» адландырылгъан бакъыр хавузны парлап, бакъырыны Вавилонгъа алып кеттилер. 14 ^bИбадетте къулланылгъан легенлер, куречиклер, мельте макъаслары, лотоклар ве бутюн бакъыр савутларны алдылар. 15 Къаравулларнынъ башлыгъы алтындан ве кумюштен япылгъан чанакъ ве комюр табакъларыны алды. 16 ^cЭки дане колоннанынъ, бир дане «Денъиз»нинъ, РАББИнинъ Эви ичюн Сулейман яптыргъан аякъларнынъ бакъыры, бутюн бу бакъыр шейлернинъ агъырлыгъы эсапсыз эди. 17 ^dБир колоннанынъ юксеклиги докъуз метр эди. Устюнде бир бакъыр капитель бар эди. Капительнинъ юксеклиги бир бучукъ метр ^{▼▼Докъуз метр; бир бучукъ метр – къ. еуд. «18 аммах», «3 аммах».} эди. Капительнинъ чевре-четинде нарлар ве агъ да – эписи бакъырдан эди. Экинджи колонна, биринджиси киби, агълы эди.