Acts 11:5-14
5 a– Мен Яффа шеэринде дува окъугъан вакъытта рухланып, бир руя корьдим: манъа балабан чаршафкъа ошагъан бир шей дёрт кошесинден асылгъан алда коктен тюшип, тап огюме кельди. 6Онынъ ичине бир козь ташласам, ер юзюнинъ дёрт аякълы ве йыртыджы айванларны ве сюйрекленген махлюкъларны, эм де кокте учкъан къушларны корьдим. 7О вакъыт: «Пётр, тур да, сой ве аша!» – деген бир сес эшиттим. 8Мен исе: «Ёкъ, асла, Раббим! Меним агъзыма ич бир вакъыт кирли я да арам шей кирмеди», – дедим. 9 bСес экинджи кере коктен эшитилип: «Алла эляллагъаныны арам сайма», – деди манъа. 10Бу шей учь кере текрарланды. Сонъ эписи кене кокке котерильди. 11Шу дакъкъада мен яшагъан эвнинъ огюнде Кайсареядан манъа ёллангъан учь адам токътадылар. 12 cРух манъа, ич шубеленмейип оларнен берабер кетмеге буюрды. Бойлеликнен, бу алты дин къардашлар меним артымдан кеттилер. Оларнен берабер о адамнынъ эвине кельдик. 13 dО бизлерге эвинде пейда олгъан мелекни насыл корьгенини айтып берди. Мелек онъа: «Яффагъа адамларны ёлла, Пётр адыны ташыгъан Симонны чагъырт. 14О санъа айтаджакъ сёзлери сени ве бутюн эвдекилеринъни къуртараджакълар», – деди.
Copyright information for
CrhCTB