Act 4:32-37 | CrhCTB | STEP | Инангъанларнынъ бутюн джемиети бир джан ве бир юрек эди. Ич бир адам мулькюнден ич бир шейге менимки демейип, эписини умумий деп сая эди.

‏ Acts 4:32-37

Иманлыларнынъ умумий мулькю

32 ^aИнангъанларнынъ бутюн джемиети бир джан ве бир юрек эди. Ич бир адам мулькюнден ич бир шейге менимки демейип, эписини умумий деп сая эди. 33 Эльчилер Рабби Исанынъ тирилюви акъкъында буюк кучьнен шаатлыкъ эте эди. Оларнынъ эписине чокъ хайыр бериле эди. 34 ^bАраларында мухтадж адам ёкъ эди. Топрагъы я да эвлери олгъанлар мулькюни сатып, акъчасыны кетире 35 ве эльчилернинъ аякълары алдына къоя эдилер. Сонъ акъча эр кеске, ихтияджына коре дагъытыла эди.

36 ^cАнда Юсуф адлы, Къыбрыста ^{▼▼Къыбрыс – Кипр адасы.} догъгъан бир левийли бар эди. Эльчилер онъа Барнаба, яни «Гонъюль Алыджы» деген ад бергенлер. 37 Онынъ бир тарласы бар эди. Оны сатып, акъчасыны эльчилернинъ аякълары алдына кетирип къойды.