Exodus 17:8-16
Исраиллилер амалеклилерни енъелер
8 aАмалеклилер келип, Рефидим деген ерде исраиллилернен дженк эттилер. 9Муса Ехошуагъа бойле деди: – Озюнъе акъайларны сайлап ал да, барып амалеклилернен дженклеш. Ярын мен байыр тёпесинде турарым, къолумда Алланынъ таягъы олур. 10Ехошуа, Муса онъа айткъаны киби япып, амалеклилернен дженклешмеге кетти. Муса, Харун ве Хур исе байырнынъ тёпесине чыкътылар. 11Муса къолларыны котергенде – исраиллилер енъе эдилер, къолларыны тюшюргенде – амалеклилер енъе эди. 12Лякин Мусанынъ къоллары болдурды. О вакъыт Харун ве Хур, таш алып, онынъ тюбюне къойдылар, ве Муса онынъ устюне отурды. Харуннен Хур Мусанынъ къолларыны тутып турдылар, бири – бир тарафтан, экинджиси – экинджи тарафтан. Кунь баткъандже Мусанынъ эки къолу котерилип турды. 13Амалекке къаршы къылычларнен дженклешип, Ехошуа онынъ устюнден гъалип чыкъты. 14 bСонъ РАББИ Мусагъа: – Буны акъылда тутмакъ ичюн, эльязмада язып, Ехошуанынъ къулагъына мытлакъа къой ки, Мен ер юзюнде амалеклилернинъ изини биле къалдырмам, – деди. 15Сонъ Муса РАББИге къурбан ерини къурды, онъа Яхве-Нисси ▼▼Яхве-Нисси – къ. еуд. «РАББИ – Меним Байрагъым» демектир.
деген ад къойды 16ве: – Къолларым РАББИнинъ тахтына тараф котерильгенлери ичюн, РАББИ Амалекке къаршы несильден несильге дженк этеджек, – деди.
Copyright information for
CrhCTB