Exo 29:38-42 | CrhCTB | STEP | Къурбан ерине кетиреджек къурбанларынъ будыр: даима, эр кунь эки баш бир яшлы къусурсыз олгъан къойларны,

‏ Exodus 29:38-42

Эр кунь чалынгъан къурбанлар акъкъында

38 Къурбан ерине кетиреджек къурбанларынъ будыр: даима, эр кунь эки баш бир яшлы къусурсыз олгъан къойларны, 39 бир къойны сабадан, экинджисини – акъшам кетир. 40 Бир къойнен берабер бир чанакъ богъдай унунен къарыштырылгъан ярым чанакъ темиз зейтюн ягъыны ве ичерлик бахшышы ичюн ярым чанакъ ^{▼▼Бир чанакъ; ярым чанакъ – къ. еуд. «(эфанынъ) он пайда бир пайы», «хиннинъ дёрт пайда бир пайы».} шарап кетир. 41 ^bЭкинджи къойны акъшам къурбан чал, оны да сабадакине ошагъан ун бахшышынен ве айны ойле ичерлик бахшышынен берабер кетир. Бу – РАББИ ичюн тынчландыргъан, мунис къокъудыр, Онъа атеште якъылгъан къурбандыр.

42 Эр бир кунь несильден несильге бутюнлей якъылгъан къурбанны бойле чалынъыз. Оны РАББИнинъ огюнде, Корюшюв Чадырынынъ къапусы огюнде чалынъыз. Анда Мен сизлернен корюшип лаф этерим.