Exo 30:34-38 | CrhCTB | STEP | РАББИ Мусагъа даа бойле деди: – Озюнъе мис къокъулы шейлерден ал: натаф сакъызыны, шехелетни, гузель къокъулы галбанны, темиз къара майны , эписи бир ольчюде олсун.

‏ Exodus 30:34-38

Къокъулы теркип акъкъында

34 РАББИ Мусагъа даа бойле деди:

– Озюнъе мис къокъулы шейлерден ал: натаф сакъызыны, шехелетни, гузель къокъулы галбанны, темиз къара майны ^{▼▼Натаф сакъызы; шехелет; гузель къокъулы галбан; темиз къара май – бугуньде-бугунь япылувы ачыкъ айдын белли олмагъан гузель къокъулы шейлер.}, эписи бир ольчюде олсун. 35 ^bОлардан усталыкънен якъмакъ ичюн теркипни яса. О, тузлу, темиз ве мукъаддес олсун. 36 Оны уфакъ этип тюйип, Мен санъа ачылгъан Корюшюв Чадырындаки Шаатлыкъ огюне къой: бу сиз ичюн улу азизлик олур. 37 Бу теркиптеки ягъны озьлеринъизге япманъыз. Бу – РАББИ ичюн айырылгъан мукъаддес шей. 38 Ким тютетмек ичюн онъа ошагъан бир шей япса, онынъ джаны халкъ арасындан ёкъ этилир.