Genesis 6:3-14
3 aРАББИ: – Меним нефесим адамда эбедий къалмайджакъ. О – вуджут, онынъ куньлери 120 йыл олсун, – деди. 4 bО куньлерде ве олардан сонъ ер юзюнде нефиллер ▼▼Нефиллер – девлер, къ. еуд. «ашагъы тюшкенлер» деген манасыны ташый.
бар эдилер. Алланынъ огъуллары адамларнынъ къызларына келип башладылар, ве къызлар оларгъа бала тапа эдилер: олар кучьлю къараманлар, эвель-эзельден намлы адамлар ола эдилер. 5 dРАББИ адамларнынъ ер юзюнде яманлыгъы чокъ олгъаныны, оларнынъ эписи тюшюнджелери ве юреклерининъ ынтылувлары эр вакъыт тек яман олгъанларыны корьди. 6 eРАББИ ер юзюнде адамны ясагъанына пешман этти, Онынъ юреги янды. 7Сонъ РАББИ деди: – Озюм яраткъан адамларны ер юзюнден къырарым: адамдан башлап айванларгъа, сюйрелип юрген махлюкъларгъа ве кок къушларына баргъандже къырарым. Мен оларны ясагъаныма пешман эттим. 8Нух исе РАББИнинъ алгъышына малик олды. Нух
9 fМына, Нух ве онынъ эвлятлары акъкъында ривает. О заман яшагъан адамларнынъ арасында тек Нух къусурсыз ве инсафлы адам эди. О, Алланынъ козю огюнде ачыкъ яшай эди. 10Нухнынъ учь огълу бар эди: Шем, Хам ве Яфет. 11Алланынъ козю алдында ер юзю харап олды. Ер юзю акъсызлыкъкъа синъип толды. 12Алла ер юзюне бакъты, ве о, керчектен де харап эди. Ер юзюнде эр бир тири джан юрген ёлуны харап этти. 13Алла Нухкъа: – Мен ер юзюндеки эр бир тири джанны ёкъ этерим. Эр бир тири джан ер юзюни акъсызлыкъкъа толдурды. Мен оларны ве оларнен берабер ер юзюни де ёкъ этерим, – деди. 14– Лякин сен озюнъе гофер ▼▼Гофер – чам терегине ошагъан терек.
терегинден бир сандыкъ яп да, ичини одаларгъа болип, ичини ве тышыны зифтнен зифтле.
Copyright information for
CrhCTB