Isaiah 1:11-17
11 a– Къурбанларынъызнынъ чокълугъыМанъа керекмей! – дей РАББИ. –
Бутюнлей якъылгъан къочкъар къурбанларына,
бесленген айванларнынъ ягъларына быкътым;
бузав, къозу, текелернинъ къаныны истемейим!
12 bЮзюмнинъ огюне кельгенинъизде,
азбарларымны таптап юргенинъизни
ким сизден истеди?
13 cМанъа файдасыз бахшыш кетирменъиз!
Якъылгъан отларынъызнынъ къокъусы Мен ичюн пис;
янъы ай ве раатлыкъ куньлерине,
байрам топлашувларына даянып оламайым!
Ичлеринъиз яманлыкъкъа толу олып, топлашасынъыз.
14Янъы ай куньлеринъиз ве байрамларынъызны
кореджек козюм ёкъ;
олар Манъа юк олды,
оларны ташымакътан болдурдым!
15 dКъолларынъызны Манъа
узаткъанларынъызда,
сизни корьмейим деп, козьлеримни къапатаджагъым.
Дуваларынъызны чокълаштыргъанынъызда,
эшитмейджегим.
Ольдюрген адамларнынъ къанындан къолларынъыз къырмызы.
16 eЮвунынъыз, темизленинъиз,
яман ишлеринъизни козьлеримден
узакълаштырынъыз,
яманлыкъ этмектен вазгечинъиз.
17 fЭйилик япмагъа огренинъиз,
адалет къыдырынъыз,
залымны джезаланъыз,
етимни къорчаланъыз,
тул апайнынъ тарафыны тутунъыз.
Copyright information for
CrhCTB