John 13:21-30
Иса шегиртлеринден бири Оны сатаджагъы акъкъында айта
21 a bБу сёзлерни айткъан сонъ, Исанынъ джаны пек сыкъылды. Энди ачыкътан-ачыкъ айтып башлады: – Сизге керчектен догърусыны айтам: Мени сизден биринъиз сатаджакъ. 22Шегиртлери исе, О, ким акъкъында айткъаныны бильмейип, шашкъынлыкънен бир-бирине бакъып тура эдилер. 23 cОлардан бири Исанынъ янында ята эди. Иса оны пек севе эди. 24Симон Пётр онъа, Иса ким акъкъында айткъаныны сораса, деп ишмар этти. 25О, Исанынъ кокрегине башыны къойып: – Рабби, о кимдир? – деп сорады. 26Иса джевап берип: – Мен бу пите парчасыны ашкъа батырып кимге берсем, одыр, – деди. Сонъ О, бир пите парчасыны батырып, Симон Искариот огълу Иудагъа берди. 27Шу ань, Иуда питени алгъанынен, онынъ ичине Шейтан кирди. – Япаджагъынъны тез-тез яп, – деди онъа Иса. 28Иса бу сёзлерни не ичюн айткъаныны софра этрафындакилерден ич кимсе анъламады. 29 dАкъча къутусы Иудада олгъаны ичюн, базылары тюшюндилер ки, Иса онъа: «Байрам ичюн бизге керек олгъан шейлерни сатын ал» я да «Фукъарелерге бир шей бер», – деди. 30Иуда исе питени алып, бирден тышарыгъа чыкъып кетти. Энди гедже тюшкен эди.
Copyright information for
CrhCTB