John 18:3-12
3 aБойлеликнен, Иуда бир арбий болюкни эм де баш руханийлерден ве фериселерден мемурларны алып, о ерге кельди. Къолларында лампатлар, мешъаллер ве силя бар эди. 4 bИса, Озюне оладжакъ эр шейни биле эди. О, адамларнынъ огюне чыкъып, сорады: – Кимни къыдырасыз? 5– Назаретли Исаны, – деп джевап берди олар. – Бу Меним, – деди Иса. (Исаны саткъан Иуда оларнынъ арасында эди.) 6Иса: «Бу Меним», – дегенинен, олар арткъа чекилип, озьлерини ерге ташладылар. 7Иса олардан кене сорады: – Кимни къыдырасыз? – Назаретли Исаны, – дедилер олар. 8– Сизге айттым да, бу Меним. Эгер Мени къыдырсанъыз, бу адамларны йиберинъиз, кетсинлер, – деди оларгъа Иса. 9 cШунынънен, Онынъ эвельден: «Сен Манъа берген адамлардан ич бирисини гъайып этмедим», – деген сёзлери беджерильмек керек эди. 10 dШу ань Симон Пётр озь къылычыны чыкъарды да, баш руханийнинъ къулуны урып, онынъ онъ къулагъыны кести. Къулнынъ ады Малхос эди. 11 eИса Пётргъа: – Къылычынъны къынына сакъла! Бабам Манъа берген къадени ичмемми? – деди.Иса Аннаснынъ огюнде
12 fО вакъыт болюкнинъ аскерлери, бинъбашы ве еудийлернинъ мемурлары Исаны якъалап багъладылар.
Copyright information for
CrhCTB