John 2:13-22
Иса Алланынъ Сарайында
13 a bЕудийлернинъ Песах Байрамы якъынлашкъаны ичюн, Иса Ерусалим шеэрине кетти. 14Алланынъ Сарайы азбарына киргенинен, бугъалар, къойлар, гогерджинлер саткъанларны ве пара алмаштырыджыларнынъ отургъаныны корьди. 15Иса аркъандан бир къамчы ясады да, Сарайнынъ азбарындан эписини бугъаларынен ве къойларынен берабер къувып чыкъарды, пара алмаштыргъанларнынъ масаларыны авдарып, акъчаларыны септирип йиберди. 16 cГогерджинлерни саткъанларгъа: – Буларны бу ерден ёкъ этинъ, Бабамнынъ Эвини базиргян эвине айландырманъыз! – деди. 17 dО вакъыт Онынъ шегиртлери: «Ичимде Сенинъ Эвинъе олгъан шевкъим яна», – язылгъан сёзлерни хатырладылар. 18 eСонъ еудий башлыкълары джевап берип: – Бойле шейлерни япасынъ, амма бизге насыл бельги береджексинъ? – дедилер. 19 fИса оларгъа: – Бу Сарайны йыкъынъыз, ве Мен оны учь кунь ичинде тиклейджем, – деди. 20Олар Исагъа: – Бу Сарай къыркъ алты йылда къурулгъан, Сен исе оны учь куньде тиклемеге истейсинъ?! – дедилер. 21Иса «Сарай» деп, Озь бедени акъкъында дей эди. 22 gО, олип тирильген сонъ, шегиртлери бу сёзлерни хатырладылар ве Мукъаддес Языгъа да, Исанынъ сёзюне де инандылар.
Copyright information for
CrhCTB