John 6:15-21
15Иса исе, адамлар келип, Оны тутмагъа ве падиша япмагъа истегенлерини билип, кене бир Озю дагъгъа котерильди.Иса сув устюнде юре
16 aАкъшам олгъан сонъ, Исанынъ шегиртлери голь боюна бардылар. 17Къайыкъкъа минип, гольнинъ о бир тарафындаки Къафарнаум шеэрине ёл алдылар. Энди къаранлыкъ тюшкен, Иса исе оларнынъ алдына даа кельмеген эди. 18Кучьлю ель котерилип, гольнинъ сувларыны далгъаландырды. 19Олар ялыдан беш-алты километр ▼▼Беш-алты километр – къ. юн. «25-30 стадиос».
узакълашкъан сонъ, голь устюнден юрген, къайыкъкъа якъынлашкъан Исаны корьдилер ве пек къоркътылар. 20– Бу – Меним! Къоркъманъыз! – деди оларгъа Иса. 21Олар Исаны къайыкъкъа алмагъа истедилер, ве шу ань къайыкъ олар бараджакъ ялыгъа етти.
Copyright information for
CrhCTB