a Сай 13.31; Ехо 14.15; 21.11
bСай 13.23; Къад 1.10, 20
cЕхо 10.38; Къад 1.11
d Къад 1.12-15; 1 Пад 17.25
e Къад 1.10-15

‏ Joshua 15:13-19

Къалев Хеврон ве Девир шеэрлерини запт эте

13 aРАББИ буюргъаны киби, Ехошуа Ефунненинъ огълу Къалевге Ехуда огъулларынынъ арасында топракъ пайыны берди – Кирьят-Арбаны, я да Хеврон шеэрини. Анакъ бабасынынъ ады Арба эди. 14 bКъалев андан Анакънынъ учь огълуны къувалады: Шешайны, Ахиманны ве Талмайны, – Анакънынъ балаларыны. 15 cАндан Къалев Девир шеэрининъ адамларына къаршы кетти. Девир эвель Кирьят-Сефер деп адлана эди.

16 d– Кирьят-Сеферге атылып оны запт эткен адамгъа мен озь къызым Акъсаны акъайгъа берерим, – деди Къалев.

17Шеэрни Къалевнинъ къардашы олгъан Кеназнынъ огълу Отниэл запт этти, ве Къалев онъа озь къызы Акъсаны акъайгъа берди.

18Бир кунь Акъсаны бабасындан тарла сорамакъны огреттилер. О, онъа кельгенде, эшектен тюшти. Къалев ондан:

– Не истейсинъ? – деп сорады.

19 e– Манъа бир бахшыш бер, – деди къызы. – Сен манъа Негевде топракъ бердинъ, энди сув чокъракъларыны да бер.

Ве Къалев онъа юкъары ве ашагъы сув чокъракъларыны да берди.
Copyright information for CrhCTB