Judges 1:10-15
10 aСонъ Хевронда яшагъан ханаанлыларгъа къаршы чыкътылар. Хевроннынъ эвельки ады Кирьят-Арба эди. Анда олар Шешай, Ахиман ве Талмайны енъди. 11 bАндан чыкъып, ехудалылар Девир сакинлерине къаршы кетти. Девирнинъ эвельки ады Кирьят-Сефер эди. 12 c– Кимде-ким Кирьят-Сеферге уджюм этип оны алса, шу адамгъа къызым Акъсаны апай оларакъ береджегим, – деди Къалев. 13Кирьят-Сеферни Кеназнынъ огълу Отниэл алды. Кеназ Къалевнинъ къардашы эди. Къалев Отниэлге къызы Акъсаны апай оларакъ берди. 14Бир кунь Акъсаны бабасындан тарла сорамагъа огреттилер. О, бабасынынъ янына кельди. О, эшектен тюшкен сонъ, Къалев ондан: – Не истейсинъ? – деп сорады. 15Акъса онъа: – Манъа бир бахшыш бер. Сен манъа Негевде топракъ бердинъ, энди сув чокъракъларыны да бер, – деди. Бабасы онъа юкъары ве ашагъы сув чокъракъларыны да берди.
Copyright information for
CrhCTB