Leviticus 6:8-13
Бутюнлей якъыладжакъ къурбан акъкъында башкъа къаиделер
8РАББИ Мусагъа бойле деди: 9 a– Харунгъа ве онынъ огъулларына бойле эмир эт: Мына бутюнлей якъыладжакъ къурбан акъкъында къанун. Бутюнлей якъыладжакъ къурбан якъылгъан ерде, къурбан ерининъ устюнде бутюн гедже сабагъадже къалсын, къурбан ерининъ атеши де сёнмесин. 10 bРуханий кетенден япылгъан штанны ве усть урбасыны кийсин, къурбан ерининъ устюнде атешнен якъылгъан къурбаннынъ кулюни алсын ве къурбан ерининъ янына къойсун. 11 cСонъ устюндеки урбаларыны чыкъарсын ве башкъа урба кийсин, сонъ кульни ордудан тыш, темиз ерге алып кетирсин. 12 dКъурбан ериндеки атеш исе янсын ве сёнмесин. Руханий эр саба онынъ устюнде одун якъсын ве онынъ устюне бутюнлей якъыладжакъ къурбанларны къойсун, аманлыкъ къурбанынынъ ягъыны да анда якъсын. 13Къурбан ерининъ устюндеки атеш сёнмейип даима янмакъ керек.
Copyright information for
CrhCTB