Luke 1:46-55
Мерьемнинъ макътав йыры
46 aМерьем исе деди: – Меним джаным Раббини шуретлей!47 bРухум Къуртарыджым олгъан Аллада буюк къуванч тапты.
48 cАлла къулунынъ алчакъгонъюллигини корьди.
Шимдиден сонъ адамларнынъ бутюн несиллери
манъа «бахтлы» дейджеклер.
49 dКъудретли Алла мен ичюн улу шей япты.
Онынъ Ады Мукъаддес!
50 eНесильден несильге Оны урьмет эткенлерге О, мерамет эте.
51 fОзюнинъ къудретли къолуны узатты да,
юрегинде кибир фикирлери олгъанларнынъ эписини дагъытты.
52 gУкюмдарларны тахтларындан алып ташлады,
алчакъгонъюллилерни исе юксельтти.
53 hЯхшы шейлерни ач олгъанларгъа берди,
зенгинлерни исе бом-бош ёллады.
54– 55 iАталарымызгъа, Ибраимге ве онынъ эвлядына
эбедиен мераметли олмагъа сёз бергенини хатырлады,
Озь къулуна Исраильге ярдымгъа кельди.
Copyright information for
CrhCTB