Luke 12:1-8
Къанун оджалары ве фериселерден сакъындырув
1 aШу арада дюньянынъ адамы топланып, къалабалыкъта бир-бирининъ аякъларына басып тура эдилер. Иса башта Озь шегиртлерине айтып башлады: – Фериселернинъ маясындан, яни экиюзьлюликтен сакъынынъыз! 2 bЭр бир сакъланылгъан шей озь вакътында ачыладжакъ, ве эр бир сыр белли олур. 3Къаранлыкъта сёйлегенинъизни кунь ярыгъында эшитеджеклер, ичери одада фысылдагъанларынъызны эвлернинъ дамлары устюнден къычырып айтаджакълар.Кимден къоркъмакъ керек
4 c dМен сизге, достларыма айтам: беденни ольдюрип, сонъ башкъа бир шей япып оламагъанлардан къоркъманъыз. 5 eКимден къоркъмакъ керек, сизге анълатаджам: ольдюрмеге ве сонъ джеэннемге ташламагъа къудрети Олгъандан къоркъунъыз. Эбет, сизге айтам: Ондан къоркъунъыз! 6Беш дане торгъай эки капикке сатылмаймы? Алла исе оларнынъ бирисини унутмай. 7 fСизинъ башынъыздаки сачларынъыз биле эписи сайылгъан. Къоркъманъыз! Сиз чокъ торгъайдан къыйметлисиз!Исаны танув ве Ондан вазгечюв акъкъында
8 g hСизге айтам: Мени адамларнынъ алдында таныгъан эр бир адамны Алланынъ мелеклери огюнде Инсан Огълу да таныйджакъ.
Copyright information for
CrhCTB