Luke 18:18-30
Иса ве зенгин адам
18 a bБашлыкълардан бири Исадан сорады: – Яхшы Оджам! Эбедий аяткъа насип олмакъ ичюн, манъа не япмакъ керек? 19 cИса онъа: – Сен Манъа не ичюн «яхшы» дейсинъ? Бир Алладан башкъа ич кимсе яхшы дегиль. 20 dСен Онынъ эмирлерини билесинъ: аиле садыкълыгъыны бозма, адамнынъ джаныны алма, хырсызлама, ялан шаатлыкъ этме, ана-бабанъны урьмет эт, – деди. 21 e– Буларнынъ эписини яшлыгъымдан берли япып келем, – деди о Исагъа. 22 fБуны эшитип, Иса: – Санъа даа бир шей етишмей: бутюн мал-мулькюнъни сатып, акъчасыны фукъарелерге болип бер. О вакъыт зенгинлигинъ кокте олур. Сонъ келип, Меним артымдан юр, – деди. 23Башлыкъ бу сёзлерни эшитип, пек къайгъырды. О пек зенгин эди де. 24 gИса онынъ къайгъыргъаныны корип: – Зенгин адамларгъа Алла Падишалыгъына кирмек не къадар агъырдыр! 25Зенгин адамнынъ Алла Падишалыгъына киргенинден девенинъ ине тешигинден кечкени къолайдыр, – деди. 26Буны эшиткенлер исе: – Ойле олса, ким къуртарыладжакъ экен? – деп сорадылар. 27 h– Адамлар япып оламагъан шей Алланынъ ярдымынен олмакъ мумкюн, – деди Иса. 28 i– Мына, биз мал-мулькюмизни къалдырып, Сенинъ артынъдан кельдик! – деди Пётр. 29 jИса шегиртлерине: – Сизге догърусыны айтам: Алла Падишалыгъы ичюн эвини, ана-бабасыны, агъа-къардашыны, тата-къызкъардашыны я да апайыны ве балаларыны къалдырып кеткен эр бир адам 30бу заманда къат-къат яхшылыкълар тападжакъ, келеджек заманда исе эбедий аяткъа киреджек.
Copyright information for
CrhCTB