Luk 18:35-43 | CrhCTB | STEP | ‌ Иса Ерихон шеэрине келеяткъанда, бир кёр адам ёл кенарында отурып садакъа сорай эди.

‏ Luke 18:35-43

35 ^a‌ ^bИса Ерихон шеэрине келеяткъанда, бир кёр адам ёл кенарында отурып садакъа сорай эди. 36 Онынъ алдындан халкъ кечип кеткенини эшитип:

– Не олды? – деп сорады.

37 – Назаретли Иса келе, – деп онъа джевап бердилер.

38 ^cКёр адам:

– Эй, Давут Огълу Иса, манъа мерамет эт! – деп къычырды. 39 Огде кеткенлер оны сусмагъа меджбур эттилер. Лякин о даа зияде къычырып:

– Эй, Давут Огълу, манъа мерамет эт! – деди.

40 Иса токътап, кёрны Онынъ янына кетиргенлерини буюрды. Кёр кельген сонъ, 41 Иса ондан:

– Сен не япкъанымны истейсинъ? – деп сорады.

– Рабби, козьлерим корьсюн! – деди о. 42 ^dИса онъа:

– Козьлеринъ ачылсын! Сени иманынъ къуртарды, – деди.

43 Шу ань кёрнынъ козьлери коре башлады. О, Алланы алгъышлап, Исанынъ пешинден кетти. Буны корьген бутюн халкъ Аллагъа шукюрлер этти.