Luk 23:26-43 | CrhCTB | STEP | Исаны алып кетеяткъанларда, тарладан келеяткъан Симон адлы киренели бир адамны туттылар, онъа Исанынъ хачыны юкледилер, Исанынъ артындан бармагъа меджбур эттилер.

a Мт 27.32-44; Мк 15.21-32; Юх 19.17-27

b Мк 13.17; Лк 21.23

c Хош 10.8; Сыр 6.16

d Ехез 20.47

e Збр 21.19; Фаал 7.60

f Еш 42.1; Лк 9.35; Юх 10.18

g Лк 23.4; Еуд 4.15

‏ Luke 23:26-43

Исаны хачкъа мыхлайлар

26 ^aИсаны алып кетеяткъанларда, тарладан келеяткъан Симон адлы киренели бир адамны туттылар, онъа Исанынъ хачыны юкледилер, Исанынъ артындан бармагъа меджбур эттилер.

27 Исанынъ артындан пек чокъ адам кетмекте эдилер. Чокъ къадын Онынъ ичюн кокюслерине урып, агъламакъта эдилер. 28 Иса оларгъа айланып:

– Эй, Ерусалим къызлары! Меним огърумда агъламанъыз. Озюнъиз ве балаларынъыз огърунда агъланъыз. 29 ^bМына ойле куньлер келеята ки: «Не де бахтлыдыр ич догъурмагъан, къысыр ве бала эмиздирмеген къадынлар», – дейджеклер. 30 ^cО вакъыт дагъларгъа: «Устьлеримизге тюшюнъиз!» ве байырларгъа: «Бизни къапатынъыз!» – дейджеклер. 31 ^dШуны ем-ешиль терекке япсалар, къуругъан терекке не япар экенлер? – деди.

32 Исанен бирликте олюмге эки айдутны да алып кете эдилер. 33 Къафа деген ерге кельген сонъ, Исаны ве Онен бирликте эки джинаетчини, бирисини Онынъ онъ тарафында, башкъасыны сол тарафында хачларгъа мыхлап астылар.

34 ^eИса:

– Баба! Оларны багъышла. Не япкъанларыны озьлери де бильмейлер, – деди. Аскерлер джереп чекип, Исанынъ урбаларыны озьара пайлаштылар. 35 ^fХалкъ исе анда турып сейир эте эди. Башлыкълар Исаны мыскъыллап:

– Башкъаларыны къуртара эди де, барсын энди, эгер О, акъикъатен Алла сайлагъан Месих олса, Озюни къуртарсын! – деп куле эдилер. 36 Онынъ устюнден аскерлер де къылына эдилер. Исанынъ янына келип, Онъа экши ичимлик берип:

37 – Еудийлернинъ Падишасы олсанъ, Озюнъни къуртарса! – дей эдилер.

38 Исанынъ башы устюне: «Бу – еудийлернинъ Падишасы» деген язы бар эди.

39 Хачкъа асылып тургъан джинаетчилерден бириси Иса акъкъында куфюр сёзлер айтып:

– Сен Месих дегильсинъми? Озюнъни де, бизни де къуртар! – деди. 40 Экинджиси исе оны токътатып:

– Сен Алладан къоркъмайсынъмы? Сен озюнъ О киби хачкъа мыхлангъансынъ, – деди. 41 ^g– Биз япкъан ишлеримиз ичюн укюм этильдик ве акъкъымызны аламыз. Амма бу адам ич бир ярамазлыкъ япмагъан.

42 Сонъ о:

– Иса! Озь Падишалыгъынъа киргенде, мени унутма! – деди. 43 Иса онъа джевап берип:

– Санъа догърусыны айтам: сен даа бугунь Меннен берабер дженнет багъчасында оладжакъсынъ, – деди.