Luke 4:16-30
Исаны Назаретте ред этелер
16 a bБир кунь Иса Назарет шеэрине кельди. О, анда осип-буюген эди. Эр вакъыт япкъаны киби, раатлыкъ куню синагогагъа барды. Алланынъ Китабыны окъумакъ ичюн тургъанда, 17Онъа Ешая пейгъамбернинъ китабыны бердилер. Иса китапны ачып: 18– 19 c– Устюмде Раббининъ Руху булуна;О, мени ягънен сюртип, алчакъгонъюллилерге хайырлы хабер бермеге,
эсирлерге – азатлыкъ, сокъурларгъа – козьлери ачылгъаны акъкъында айтмагъа,
азап чеккенлерни къуртармагъа,
Раббининъ разылыкъ йылы кельгенини беян этмеге ёллады, – деп язылгъан ерини тапып окъуды.
20Сонъ Иса, китапны къапатып, хызметчиге берди ве ерине отурды. Синагогадакилер эписи Онъа дикъкъатнен бакътылар. 21Иса оларгъа: – Язылгъан сёзлер сиз Мени динълеген вакъытта, бугунь беджерильди, – деди. 22Эписи Онынъ акъкъында яхшы шейлер айта эдилер, Онынъ агъзындан чыкъкъан хайырлы сёзлерге шаша эдилер. Лякин бир-биринден: – Я О, Юсуфнынъ огълу дегильми? – деп сорай эдилер. 23 dИса оларгъа: – Сиз эльбетте Манъа: «Эй, эким, озюнъни озюнъ тедавийле», деген ибарени айтаджакъсыз. «Биз Къафарнаумда олгъан шейлерни эшиттик. Энди буны Озь ветанынъда да яп», дейджексиз, – деди. 24 eСонъ Иса девам этти: – Сизге догърусыны айтам: озь ветанында къабул этильген пейгъамбер ёкъ. 25 fКерчектен, сизге айтам: Ильяснынъ девринде, учь бучукъ йыл ягъмур ягъмагъанда ве бутюн ерлерде буюк ачлыкъ олгъанда, Исраильде чокъ тул къадынлар бар эди. 26 gАмма Ильяс оларнынъ ич бирисине ёлланылмагъан, тек Сидон янындаки Царефат шеэринде яшагъан бир тул къадынгъа ёлланылгъан эди. 27 hЭль-Яса пейгъамбернинъ девринде Исраильде лепра хасталыгъына огърагъанлар чокъ эди. Амма олардан ич бириси эляллап тедавийленмеген эди, тек бир суриели Нааман тедавийленген эди. 28Бу сёзлерни эшитип, синагогадакилер эписи ачувландылар. 29Олар атылып турдылар ве Исаны шеэрден чыкъарып, Назарет ерлешкен дагънынъ тёпесине кетирдилер. Оны къаядан ашагъа атмагъа истедилер. 30 iЛякин Иса оларнынъ арасындан кечип, о ерни къалдырды.
Copyright information for
CrhCTB