Luk 5:12-16 | CrhCTB | STEP | ‌ Иса бир шеэрде олгъанда, Онынъ янына бутюн бедени лепра хасталыгъынен къаплангъан бир адам кельди. О, Исаны корип, ерге йыкъылып: – Эфендим, эгер истесенъ, мени эляллап тедавийлерсинъ,

b Лев 13.3; Сай 12.10; 4 Пад 5.1; 2 Тар 26.20; Мк 9.22

c Лев 14.1-32; Мт 9.30; 17.9; Мк 1.34; Лк 17.14

‏ Luke 5:12-16

Иса лепрагъа огърагъанны тедавийлей

12 ^a‌ ^bИса бир шеэрде олгъанда, Онынъ янына бутюн бедени лепра хасталыгъынен къаплангъан бир адам кельди. О, Исаны корип, ерге йыкъылып:

– Эфендим, эгер истесенъ, мени эляллап тедавийлерсинъ, – деп ялварды.

13 Иса къолуны узатты ве онъа тийип:

– Мен истейим, элял ол! – деди. Шу ань лепра адамны къалдырды. 14 ^cИса онъа кимсеге бир шей айтмамакъны буюрды ве:

– Руханийге бар, о сени бакъсын да, тедавийленгенинъ ичюн, Муса буюргъан бахшышны бер, о, эписине шаатлыкъ олсун, – деди.

15 Иса акъкъындаки лафлар эп чокълаша эди. Оны динълемек ве хасталыкъларындан къуртулмакъ ичюн, халкъ Онъа топнен келе башлады. 16 ^dИса Озю исе адам ёкъ олгъан ерлерге барып, дува окъуй эди.