a Мт 9.14-17; Мк 2.18-22
bМт 11.2; Лк 11.1; 18.12; Юх 1.35
c Мт 25.1-13; Юх 3.29; Сыр 19.7; 21.2
dМк 14.7; Лк 17.22

‏ Luke 5:33-39

Аштан-сувдан вазгечюв акъкъында

33 a‌ bОлар Исагъа:

– Ягъянынъ шегиртлери сыкъ-сыкъ аштан-сувдан вазгечелер ве дувалар окъуйлар. Фериселернинъ шегиртлери де бойле япалар. Сенинъкилер исе эм ашайлар, эм ичелер! – дедилер.

34 cИса оларгъа:

– Тойдаки мусафирлерни, киев оларнен олгъанда, аштан-сувдан вазгечмеге меджбур этмек мумкюнми? 35 dАмма ойле куньлер келеджек ки, киевни олардан тутып аладжакълар. Ана о вакъыт, о куньлерде аштан-сувдан вазгечерлер, – деди.

36Иса оларгъа бир кинаели икяе де айтып берди:

– Кимсе эски урбасына ямав къоймакъ ичюн, янъы урбадан парча кесмез, чюнки о, янъы урбаны да бозар, эски урбасына да янъы ямав келишмез. 37Кимсе яш шарапны эски мешин торбаларына толдурмай, чюнки яш шарап эски торбаларны патлатыр: эм шарап тёкюлир, эм торбалар гъайып олур. 38Яш шарапны янъы мешин торбаларгъа толдурмакъ керек. 39Эски шарапны ичкенлерден ич бириси яш шарапны истемез, о: «Эскиси яхшы», – дер, – деди.
Copyright information for CrhCTB