Mark 1:21-28
Джин ургъан адам
21 a bОлар Къафарнаум шеэрине кельген сонъ, биринджи раатлыкъ куню Иса синагогагъа кирип, адамларны огретип башлады. 22 cОнынъ айткъан сёзлерини эшиткенлер эписи шашып къалдылар. О, Къанун оджалары киби дегиль, буюк къудрет берильген адам киби огрете эди. 23Шу арада синагогагъа джин ургъан бир адам кирди. 24 d– Эй, назаретли Иса, Сен бизден не истейсинъ? Бизни гъайып этмек ичюн кельдинъми? Мен Сенинъ ким олгъанынъны билем! Сен Алланынъ Азизисинъ! – деп къычырды о. 25Иса джинге шойле эмир этти: – Сус да, бу адамдан чыкъ! 26 eДжин адамны сарсытып, къаба бир сеснен багъырып, онынъ ичинден чыкъты. 27 fБуны корьгенлер эписи шашып къалдылар. Бир-биринден: – Бу насыл шей? – деп сорай эдилер. – Насылдыр бир яп-янъы огретюв… Онынъ къудрети о къадар буюк ки, О, арам рухларгъа эмир эте, олар исе Онъа бойсуналар. 28Онынъ акъкъында хабер бутюн Галилея топракъларына тез-тез даркъалды.
Copyright information for
CrhCTB