Mar 10:35-45 | CrhCTB | STEP | ‌ Зебедайнынъ огъуллары Якъуп ве Юхан, Исанынъ алдына келип: – Оджам, бир истегимиз бар, оны биз ичюн япкъанынъны пек истеймиз,

‏ Mark 10:35-45

Якъуп ве Юханнынъ риджасы

35 ^a‌ ^bЗебедайнынъ огъуллары Якъуп ве Юхан, Исанынъ алдына келип:

– Оджам, бир истегимиз бар, оны биз ичюн япкъанынъны пек истеймиз, – дедилер.

36 – Сизлер ичюн не япкъанымны истейсиз? – деп сорады Иса. 37 ^cОлар:

– Сен улу олгъан сонъ, биримиз Сенинъ онъ тарафынъда, экинджимиз исе сол тарафынъда отургъанымызгъа разылыкъ бер, – дедилер. 38 ^dИса оларгъа:

– Сизлер не истегенинъизни бильмейсиз. Мен ичеджек къадеден сиз ичип олурсызмы? Мен батып чыкъаджакъ терен сувларгъа батып чыкъып олурсызмы? – деди. 39 ^eОлар:

– Олурмыз, – деп джевап бердилер. Иса исе оларгъа:

– Сиз Мен ичеджек къадеден ичеджексиз, Мен батып чыкъаджакъ терен сувларгъа батаджакъсыз. 40 Амма Меним онъ ве сол тарафымда отурмагъа разылыкъ бермек Меним къолумда дегиль. Бу ерлерни Алла кимге азырлагъан олса, олар отураджакълар.

41 Башкъа он шегирти буны эшитип, Якъуп ве Юхангъа ачувландылар. 42 Иса оларны янына чагъырып:

– Сиз билесиз, башкъа миллетлернинъ башлыкълары оларакъ сайылгъан адамлар оларгъа башлыкъ япалар, ве буюклери оларнынъ устюнде укюм сюрелер. 43 ^fАмма сизлернинъ аранъызда бойле шей олмасын! Ким сизде буюк олмагъа истесе, сизге хызметчи олсун. 44 Ким исе сизлернинъ аранъызда биринджи олмагъа истесе, эписине къул олсун. 45 ^gИнсан Огълу да Озюне хызмет эттирмек ичюн кельмеди, Озю хызмет этмек ве Озь джаныны къурбан этип, чокътан-чокъларны къуртармакъ ичюн кельди, – деди.