Mark 10:46-52
Сокъур Бартимайнынъ тедавийленюви
46 a bИса Ерихон шеэрине кельди. Шеэрден шегиртлеринен ве чокъ адамнен берабер чыкъып кетеяткъанда, ёл кенарында Тимай огълу сокъур Бартимай, садакъа сорап, отурмакъта эди. 47 cНазаретли Исанынъ кечип кеткенини эшитип: – Эй, Давут Огълу Иса! Манъа мерамет эт! – деп къычырды. 48Чокъ адамлар онынъ агъзыны къапатмагъа истедилер, амма о, даа бетер къычырды: – Эй, Давут Огълу! Манъа мерамет эт! 49Иса токътап: – Оны мында чагъырынъыз, – деди. Кёрны чагъырып, онъа: – Джесюр ол, еринъден тур! О, сени чагъыра, – дедилер. 50Бартимай усть урбасыны чыкъарып четке атты, еринден сычрап турды да, Исанынъ янына барды. 51Иса ондан: – Сен Менден не истейсинъ? – деп сорады. – Раввуни ▼▼Раввуни – къ. еуд. бу сёз «Оджам», «Эфендим» манасыны ташый.
, козьлерим корьсюн! – деди кёр адам. 52 eИса онъа: – Бар, сени иманынъ къуртарды, – деди. Бартимай шу ань коре башлады ве Исанынъ артындан ёл бою кетти.
Copyright information for
CrhCTB