Mar 12:1-12 | CrhCTB | STEP | ‌ Иса халкъкъа кинаели икяелер айтып башлады: – Бир адам юзюм багъы сачып, этрафыны къоралады, юзюмни сыкъмакъ ичюн чукъур къазды, къаравулламакъ ичюн бир къулле къурды да, багъыны юзюмджилерге кирагъа берип, озю ёлгъа чыкъты.

‏ Mark 12:1-12

Яман юзюмджилер акъкъында кинаели икяе

1 ^a‌ ^bИса халкъкъа кинаели икяелер айтып башлады:

– Бир адам юзюм багъы сачып, этрафыны къоралады, юзюмни сыкъмакъ ичюн чукъур къазды, къаравулламакъ ичюн бир къулле къурды да, багъыны юзюмджилерге кирагъа берип, озю ёлгъа чыкъты.

2 Мевсими кельгенде, берекеттен озь пайыны алмакъ ичюн, юзюмджилерге бир хызметчисини ёллай. 3 Юзюмджилер исе оны тутып котеклейлер ве бир шей бермейип къайтарып йиберелер. 4 Багънынъ саиби даа башкъа бир хызметчисини оларгъа ёллай. Олар исе, онынъ башыны урып тешелер ве масхаралап къувалайлар. 5 ^cАдам башкъасыны ёллай, оны ольдюрелер. О исе, хызметчилерини ёллай бере, амма юзюмджилер оларнынъ бирисини котеклей, дигерини ольдюрелер. 6 ^dБагъ саибининъ даа бир адамы къала; о, севимли огълу экен. Саип: «Огълумдан утанырлар», – деп, оны сонъунда ёллай. 7 ^eЛякин юзюмджилер бир-бирине: «Бу – мирасчы! Барып, оны ольдюрейик, ве бутюн мирас бизге къаладжакъ!» – дейлер. 8 ^fОгълуны тутып ольдюрелер ве багъдан тышарыгъа чыкъарып ташлайлар. 9 ^gЭнди багънынъ саиби не япар экен? О, келип юзюмджилерни ольдюреджек, багъны исе башкъаларына береджек.

10 Сиз Языда: «Къуруджылар келишиксиз деп четке ташлагъан таш
бинанынъ темельташы олды.
11 ^hКозюмиз огюнде япылгъан аджайип шей –
Алланынъ ишидир!» – окъумадынъызмы?

12 ⁱИса бу кинаели икяени оларгъа къаршы айткъаныны анълап, Оны якъаламагъа истедилер. Амма халкътан къоркъкъанларындан, Онъа тиймейип кеттилер.