Mar 13:14-19 | CrhCTB | STEP | ‌ Эгер «пис арамлыкъ» ляйыкъ олмагъан ерде тургъаныны корьсенъиз (окъугъан адам озю анъласын!), Еудиеде олгъан адамлар дагъларгъа къачсынлар.

‏ Mark 13:14-19

Буюк беля

14 ^a‌ ^bЭгер «пис арамлыкъ» ляйыкъ олмагъан ерде тургъаныны корьсенъиз (окъугъан адам озю анъласын!), Еудиеде олгъан адамлар дагъларгъа къачсынлар. 15 ^cДам устюнде тургъан адам ашагъа тюшип, бир шей алмакъ ичюн эвине кирмесин. 16 Тарлада олгъан адам усть урбасыны алмагъа къайтып бармасын. 17 ^dО куньлерде юклю ве бала эмиздирген къадынларгъа беля оладжакъ! 18 Къачувынъыз къышта олмасын деп, дувалар окъунъыз. 19 ^eШу куньлерде, Алла дюньяны яраткъан вакъыттан башлап бу куньлерге къадар олмагъан ве даа бир кере олмайджакъ буюк белялар оладжакъ.