Mar 15:6-20 | CrhCTB | STEP | Эр Песах Байрамында Пилат халкъ истеген бир мабюсни азат эткен.

‏ Mark 15:6-20

Иса хачкъа мыхланмакъ ичюн бериле

6 ^aЭр Песах Байрамында Пилат халкъ истеген бир мабюсни азат эткен. 7 О вакъыт Барабба ве башкъа исьянджылар зинданда отура эди. Олар исьян котерип, бир адам ольдюргенлер. 8 Халкъ Пилаткъа келип, ондан эр даим япкъан ишни эда эткенини сорай башлады. 9 Пилат олардан:

– Истейсизми, сизге еудийлернинъ Падишасыны азат этейим? – деп сорады. 10 ^bО, баш руханийлер Исаны пахыллап теслим эткенлерини анълай эди. 11 ^cБаш руханийлер исе, Онынъ ерине Бараббаны азат эткенини талап этинъ деп, халкъны къозгъалдылар. 12 Пилат олардан кене:

– Сизлер еудийлернинъ Падишасы деп адландыргъан адамнен не япайым? – деп текрарлап сорады.

13 – Оны хачкъа мыхлап къой! – деп къычырды олар. 14 ^dПилат исе:

– О не яманлыкъ япты? – деди.

Амма олар даа бетер багъырып:

– Оны хачкъа мыхлап къой! – дедилер.

15 ^eХалкънынъ козюне кирмеге истеген Пилат оларнынъ огюне Бараббаны чыкъарып йиберди. Исаны исе къамчылап, хачкъа мыхламакъ ичюн аскерлерге берди.

Исаны масхара этелер

16 ^fАскерлер Исаны преториягъа ^{▼▼Претория – укюмдар Пилат яшагъан ве римли аскерлер яткъан ер.} алып бардылар ве анда бутюн арбий болюкни ^{▼▼Арбий болюк – къ. юн. «спейра» – «легион»нынъ он пайындан бир пайы, 600 аскер.} топладылар. 17 Исанынъ устюне мор тюслю урба ^{▼▼Бунъа ошагъан урбаны тек падишалар кие эдилер.} кийдирдилер ве башына тикенден орюльген тадж кечирдилер. 18 Сонъ:

– Яшасын еудийлернинъ Падишасы! – деп къычырдылар. 19 ^jТаякъларнен Онынъ башына урып, бетине тюкюрип ве алдында тиз чёкип, седжде эттилер. 20 Оны шойле масхара эткен сонъ, мор тюслю урбасыны чыкъарып, Озюнинъ урбаларыны кийдирдилер ве хачкъа мыхламакъ ичюн алып кеттилер.