Matthew 14:13-21
Иса беш бинъ адамны тойдура
13 aИса буны эшиткенинен, бир Озю къайыкъкъа отурып, андан адам олмагъан бир ерге кетти. Амма адамлар бу акъта бильдилер, озь шеэрлеринден чыкъып, Онынъ артындан джаяв кеттилер. 14Иса къайыкътан чыкъып, чокъ адамларны корьди. О адамларны аджыды ве оларнынъ арасында олгъан хасталарны тедавийледи. 15Акъшам тюшкенинен, шегиртлери Онынъ янына келип: – Бу ерде кимсе яшамай экен, эм энди кеч олды. Адамларны йибер, этрафтаки койлерге барып, озьлерине аш сатын алсынлар, – дедилер. 16 bЛякин Иса: – Олар кетмесе де олур, сизлер оларгъа аш беринъиз, – деди. 17– Бу ерде бизде тек беш отьмек ве эки балыгъымыз бар, башкъа бир шей ёкъ, – дедилер Онъа. 18– Оларны бу ерге, Манъа кетиринъиз, – деди Иса. 19Сонъ О адамларгъа от устюне отурмакъны буюрды. Беш отьмекнен эки балыкъны алды, козьлерини коклерге котерип, шукюр дувасыны окъуды. Отьмеклерни больди ве шегиртлерине берди, олар исе адамларгъа даркъаттылар. 20Эр кес ашап тойды. Даа артып къалгъан отьмеклернинъ парчаларыны толу он эки сепет джыйдылар. 21 cАшагъанлар исе къадынлар ве балалардан гъайры беш бинъ адам эди.
Copyright information for
CrhCTB