Mat 16:13-20 | CrhCTB | STEP | Филипнинъ Кайсареясы этрафларына кельген Иса Озь шегиртлеринден: – Адамлар Инсан Огълуны ким деп саялар?

‏ Matthew 16:13-20

Пётр Исагъа «Месих» дей

13 ^aФилипнинъ Кайсареясы этрафларына кельген Иса Озь шегиртлеринден:

– Адамлар Инсан Огълуны ким деп саялар? – деп сорады.

14 ^b– Базылары Сени Сувгъа Батырыджы Ягъя, башкъалары – Ильяс, дигерлери исе – Йирмея, я да пейгъамберлерден бириси деп саялар, – деди шегиртлер. 15 Иса олардан:

– Я сиз Мени ким деп саясыз? – деп сорады.

16 ^cСимон Пётр джевап берип:

– Сен – Месихсинъ, Тири Алланынъ Огълусынъ! – деди. 17 ^dИса онъа:

– Сен бахтлы адамсынъ, Симон Бар-Йона! Бу сырны санъа къан ве беден дегиль, Меним Коклердеки Бабам ачты. 18 ^eШунынъ ичюн Мен санъа айтам: сен – Пётрсынъ ^{▼▼Пётр – къ. юн. «петрос» сёзю «къая» манасыны ташый.}, ве бу къаянынъ устюнде Мен Озь Топлашувымны ^{▼▼Топлашув – Аллагъа инангъан ве Исанынъ огретювини къабул эткен адамларнынъ топлашувы.} къураджам. Оны олюлер дюньясынынъ кучьлери биле енъип оламайджакълар. 19 ^hСанъа Кок Падишалыгъынынъ анахтарларыны береджем. Нени ер юзюнде ясакъ этсенъ, шуны коклерде де ясакъ этеджеклер. Нени ер юзюнде рухсет этсенъ, шуны коклерде де рухсет этеджеклер, – деди.

20 ⁱСонъ Иса шегиртлерине Озюни Месих олгъаны акъкъында кимсеге айтмагъа кесен-кес ясакъ этти.