Matthew 17:14-18
Иса джин ургъан баланы тедавийлей
14 aОлар халкъкъа къайтып кельгенде, Исагъа бир адам якъынлашып, тиз чёкти де: 15– Эфендим, огълума мерамет эт! Онда тутарыкъ хасталыгъы бар, о пек чекише. Сыкъ-сыкъ де атешке, де сувгъа дала, – деди. 16– Баламны Сенинъ шегиртлеринъе кетирдим, амма олар оны тедавийлеп оламадылар. 17– Эй, имансыз ве бозукъ адамлар! Не вакъыткъадже сизлернен оладжам?! Не къадаргъадже сизлерге даянаджам?! Баланы бу ерге, Меним алдыма кетиринъиз! – деди Иса. 18 bИса джинге чыкъмагъа эмир берди, ве джин чыкъты, бала исе шу ань тедавийленди.
Copyright information for
CrhCTB