Matthew 19:16-30
Бай огълан
16 a bБир кунь Онъа бир адам келип: – Оджа! Эбедий аяткъа кирмек ичюн насыл яхшылыкъ япайым? – деп сорады. 17 cИса онъа: – Сен Менден яхшылыкъ акъкъында не сорайсынъ? Тек бир Алла яхшыдыр. Эгер эбедий аяткъа кирмеге истесенъ, эмирлерни беджер, – деди. 18– Къайсыларны? – деп сорады о. Иса онъа: – Адамнынъ джаныны алма, аиле садыкълыгъыны бозма, хырсызлама, ялан шаатлыкъ этме, 19 dана-бабанъны урьмет эт ве якъын адамны озюнъни севгенинъ киби сев, – деди. 20 eЙигит Онъа: – Мен буларнынъ эписини япам. Манъа даа не етишмей? – деди. 21 fИса онъа: – Эгер эксиксиз олмагъа истесенъ, бар, эписи мал-мулькюнъни сатып, акъчасыны фукъарелерге болип бер. О вакъыт зенгинлигинъ кокте оладжакъ. Сонъ кель де, артымдан юр, – деди. 22Йигит бу сёзлерни эшитип, къайгъы ичинде о ерден чыкъып кетти. Онынъ байлыгъы буюк эди де. 23 gИса исе шегиртлерине: – Сизге догърусыны айтам: зенгин адамнынъ Кок Падишалыгъына киргени къыйын оладжакъ. 24Даа сизге айтам: зенгин адамнынъ Алла Падишалыгъына киргенинден девенинъ ине тешигинден кечкени къолайдыр, – деди. 25Шегиртлер буны эшитип, джандан тааджиплендилер ве: – Ойле олса, ким къуртарыладжакъ экен? – деп сорадылар. 26 hИса оларгъа дикъкъатнен бакъып: – Адамларнынъ имкяны ёкъ, лякин Алланынъ ярдымынен эр шей олмакъ мумкюн, – деди. 27 iБу сёзге джевап берип, Пётр Исагъа: – Мына, биз эр шейни къалдырып, Сенинъ артынъдан кеттик. Бунынъ ичюн бизге не оладжакъ? – деди. 28 jИса оларгъа: – Сизге догърусыны айтам: дюньянынъ янъы догъувында Инсан Огълу шан-шуретли тахткъа отургъанда, Меним артымдан кельген сизлер де он эки тахткъа отурып, Исраильнинъ он эки къабилесине укюм этерсиз. 29 kМен ичюн эв-баркъ, агъа-къардаш, тата-къызкъардаш, ана-баба, апай-бала ве ер-мулькюни ташлап кеткен эр бир адам булардан юз кере чокъ тападжакъ ве эбедий аятны мирас киби аладжакъ. 30 lЛякин шимди биринджи олгъан чокъ адамлар сонъунда оладжакъ, сонъунда олгъанлар исе биринджи оладжакълар, – деди.
Copyright information for
CrhCTB