Matthew 21:23-27
Исанынъ къувети акъкъында суаль
23 a bИса Алланынъ Сарайына кирип, адамларны огреткенде, Онынъ алдына халкътан баш руханийлер ве акъсакъаллар келип: – Бу ишлерни япмагъа Сенинъ акъкъынъ бармы? Санъа бу акъны ким берди? – деп сорадылар. 24Иса оларгъа джевап берип: – Мен де сизлерге бир суаль береджем. Манъа джевап берсенъиз, бу ишлерни япмагъа насыл акъкъым олгъаныны сизлерге айтарым. 25 cЯгъя халкъны сувгъа батырып чыкъаргъаны кимден эди? Алладан я да адамларданмы? – деди. Олар исе озьара давалашып башладылар: «Эгер “Алладан”, – десек, О бизлерден: “Не ичюн Ягъягъа инанмадынъыз?” – деп сорайджакъ. 26 dЭгер “Адамлардан”, – десек…? Биз халкътан къоркъамыз. Эписи Ягъяны пейгъамбер деп саялар». 27Олар Исагъа: – Бильмеймиз, – деп джевап бердилер. Иса оларгъа: – Мен де буларны япмагъа насыл акъкъым олгъаныны сизлерге айтмам, – деди.
Copyright information for
CrhCTB