Matthew 22:23-33
Олюлернинъ тирилюви акъкъында суаль
23 a bШу куню де олюлер тирильмей деген саддукийлер Исанынъ алдына келип, Онъа суаль бердилер: 24 c– Оджа! Муса бизге деди ки, эгер бир адам, бала корьмейип, ольсе, къардашы агъасынынъ апайына эвленсин ве агъасынынъ ерине онъа бала берсин. 25Мында еди агъа-къардаш бар экен. Биринджиси эвленип, бала корьмей ольген, апайыны исе къардашына къалдыргъан. 26Экинджисинен, учюнджисинен ве единджисинедже эписинен ойле олгъан. 27Олардан сонъ къадын да ольген. 28Тирилюв куню кельгенде, бу къадын едисинден къайсы бирисининъ апайы оладжакъ? Оларнынъ эписи де онъа эвленген эдилер! 29Иса оларгъа джевап берип: – Сизлер пек янълышасыз. Не Языларны, не Алланынъ къудретини билесиз. 30Тирилюв куню кельгенде, адамлар не эвленеджеклер, не акъайгъа чыкъаджакълар. Олар коктеки мелеклер киби оладжакълар. 31Олюлернинъ тирилювини алсакъ исе, Алла сизге айткъаныны окъумадынъызмы? 32 dО: «Мен Ибраимнинъ Алласым, Исхакънынъ Алласым ве Якъупнынъ Алласы олам», – деген. Алла олюлернинъ дегиль, тирилернинъ Алласыдыр, – деди. 33Халкъ буны эшитип, Исанынъ огретювине пек шашты.
Copyright information for
CrhCTB