Matthew 22:34-40
Энъ муим эмир
34 aФериселер, Иса саддукийлернинъ агъызларыны къапаткъаныны билип, эписи топландылар. 35Олардан бириси, Къанун оджасы, Исаны сынамакъ ниетинде Ондан: 36– Оджа! Къанунда энъ муим эмир къайсыдыр? – деп сорады. 37 bИса онъа: – Рабби-Таалянъны бутюн юрегинънен, бутюн джанынънен ве бутюн акъылынънен сев. 38Мына бу биринджи ве энъ муим эмирдир. 39 cЭкинджиси де шойле: якъын адамны озюнъни севгенинъ киби сев. 40 dШу эки эмирде бутюн Къанун ве Пейгъамберлернинъ Язылары тура, – деп джевап берди.
Copyright information for
CrhCTB