Matthew 24:15-28
Буюк беля
15 a bШунынънен, Даниял пейгъамбер айткъан «пис арамлыкъ» Азиз Ерде тургъаныны корьсенъиз (окъугъан адам озю анъласын!), 16Еудиеде олгъан адамлар дагъларгъа къачсынлар. 17 cДам устюнде тургъан адам эвинден бир шей алмакъ ичюн ашагъа тюшмесин. 18Тарлада олгъан адам усть урбасыны алмагъа къайтып бармасын. 19 dО куньлерде юклю ве бала эмиздирген къадынларгъа беля оладжакъ! 20Къачувынъыз къышта я да раатлыкъ куню олмасын деп, дувалар окъунъыз. 21 eО вакъытта, дюньянынъ биринджи куньлерден башлап бу куньлерге къадар олмагъан ве даа бир кере олмайджакъ буюк белялар оладжакъ. 22 fЭгер о куньлернинъ сайысы азлаштырылмагъан олса, ич бир джан къуртулып оламаз эди. Лякин сайлангъан адамлар ичюн о куньлернинъ сайысы азлаштырыладжакъ. 23 gЭгер о вакъыт кимдир сизге: «Бакъынъыз, Месих мында!» я да «О, анда!» – десе, инанманъыз. 24 hЯлан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, буюк аджайип шейлер япаджакълар ве бельгилер косьтереджеклер. 25 iМына, Мен буны сизлерге эвельден айтып бердим. 26Шунынънен, эгер сизлерге: «Бакъса, О сахрада», – деселер, анда барманъыз. Я да «Бакъса, О бу эв ичинде», – деселер, инанманъыз. 27 jИнсан Огълунынъ къайтып келиши шаркътан гъарпкъадже кокте яшнагъан йылдырым киби оладжакъ. 28 kОлю беден къайда олса, леш къарталлары да шу ерде топланаджакълар.
Copyright information for
CrhCTB