Matthew 24:3-14
Беля ве къувгъунлыкълар акъкъында
3 aИса бир Озю Зейтюн дагъында отургъан вакъытта шегиртлери Онынъ янына келип, сорадылар: – Бизлерге айт: бу шейлер не вакъыт оладжакъ? Сенинъ келишинъни ве ахыр заман якъынлашкъаныны косьтерген бельги насыл оладжакъ? 4 bИса джевап берип оларгъа: – Ич кимсе сизлерни алдатмасын деп, сакът олунъыз! 5 cЧокъ адамлар Меним Адым иле келип: «Мен Месихим», – деп, чокъ адамларны алдатаджакълар, – деди. 6 d– Сиз якъын дженк шаматасыны ве узакъ дженк акъкъында хаберлерни эшитирсиз. Амма къоркъманъыз: ойле олмакъ керек. Лякин бу даа сонъу дегиль. 7 eХалкъ халкъкъа къаршы, падишалыкъ падишалыкъкъа къаршы котериледжек. Тюрлю топракъларда ачлыкълар ве ер тепренювлери оладжакъ. 8Буларнынъ эписи исе – тек буюк азапларнынъ башланувы. 9 fО вакъытта сизлерни къыйнайджакълар ве ольдюреджеклер. Мен ичюн эписи халкъларнынъ адамлары сизлерден нефретленеджек. 10 gЧокъ адам иманындан вазгечеджек, бир-бирини сатаджакъ, бир-бирини кореджек козьлери олмайджакъ. 11 hЧокътан-чокъ ялан пейгъамберлер пейда олып, чокъ адамларны алдатаджакъ. 12Адалетсизлик чокълашкъаны себебинден чокъусынынъ севгиси пек азлашаджакъ. 13 iЛякин сонъунадже сабыр эткен адам къуртарыладжакъ. 14 jОндан эвель исе бутюн дюньяда Алла Падишалыгъы акъкъында бу Къуванчлы Хабер илян этиледжек. Бу хабер эписи халкъларгъа шаатлыкъ оладжакъ. О вакъыт сонъу келеджек.
Copyright information for
CrhCTB