Matthew 24:6-14
6 a– Сиз якъын дженк шаматасыны ве узакъ дженк акъкъында хаберлерни эшитирсиз. Амма къоркъманъыз: ойле олмакъ керек. Лякин бу даа сонъу дегиль. 7 bХалкъ халкъкъа къаршы, падишалыкъ падишалыкъкъа къаршы котериледжек. Тюрлю топракъларда ачлыкълар ве ер тепренювлери оладжакъ. 8Буларнынъ эписи исе – тек буюк азапларнынъ башланувы. 9 cО вакъытта сизлерни къыйнайджакълар ве ольдюреджеклер. Мен ичюн эписи халкъларнынъ адамлары сизлерден нефретленеджек. 10 dЧокъ адам иманындан вазгечеджек, бир-бирини сатаджакъ, бир-бирини кореджек козьлери олмайджакъ. 11 eЧокътан-чокъ ялан пейгъамберлер пейда олып, чокъ адамларны алдатаджакъ. 12Адалетсизлик чокълашкъаны себебинден чокъусынынъ севгиси пек азлашаджакъ. 13 fЛякин сонъунадже сабыр эткен адам къуртарыладжакъ. 14 gОндан эвель исе бутюн дюньяда Алла Падишалыгъы акъкъында бу Къуванчлы Хабер илян этиледжек. Бу хабер эписи халкъларгъа шаатлыкъ оладжакъ. О вакъыт сонъу келеджек.
Copyright information for
CrhCTB